വി.നോമ്പുകാലധ്യാനചിന്തകൾ-39
39. ആറാം ചൊവ്വാ. --------------------- ഇന്നത്തെ സന്ധ്യയുടേയും പ്രഭാതത്തിന്റേയും ഏവൻഗേലിയോൻ ഭാഗങ്ങൾ വി.നോമ്പിനെക്കുറിച്ചും പ്രാർത്ഥനെയെ സംബന്ധിച്ചുമുള്ള ചില വലിയ സന്ദേശങ്ങൾ നമുക്കു നൽകുന്നുണ്ടു.സന്ധ്യയുടെ ഏവൻഗേലിയോൻ വി.ലൂക്കോഃ 9; 18- 27 ഉം പ്രഭാതത്തിലേതു വി.മർക്കോഃ 10; 32-45 ഉം ആണു. സന്ധ്യയുടെ ഏവൻഗേലിയോനിൽ നിന്നുതന്നെ ഇന്നത്തെ ധ്യാനചിന്തകൾ ആരംഭിക്കാം.അഞ്ചപ്പംകൊണ്ടു അയ്യായിരത്തിൽ പരം പുരുഷാരത്തെ തൃപ്തിപ്പെടുത്തിയതിനു ശേഷം നടന്ന കാര്യങ്ങളാണു വി.ലൂക്കോസു ഇവിടെ രേഖപ്പെടുത്തിയിരിക്കുന്നതു.വി.ലൂക്കോഃ 9; 18 ൽ ''അവൻ തനിച്ചു പ്രാർത്ഥിച്ചുകൊണ്ടിരിക്കുമ്പോൾ ശിഷ്യന്മാർ അടുത്തുണ്ടായിരുന്നു. എന്നാണു കാണുന്നതു. സമവീക്ഷണ സുവിശേഷങ്ങളിൽ മറ്റു രണ്ടിലും യേശു ഈ അത്ഭുതം പ്രവർത്തിച്ചതിനുശേഷം വേറിട്ടു പോയി പ്രാർത്ഥിച്ചതായി പ...